السبت، يوليو 17، 2010

3 ساعات مع مخبر


كانت ساعات مرت عليا مرور النسيم يوم صيف ، قابلت فيه عزيزا على قلبي ، بالرغم من أنها أول مرة أراه فيها إلا أنني شعت نحوه بالأخوة وكنت سعيدا بتلك الساعات التي قضيتها معه .
إنه أخي وصديقي المدون الكاتب الساخر :-  أحمد نور الدين أو مخبر قمل دولة كما يُعرف نفسه صاحب مدونة خمسة استعباط  .

هو من البحيرة وأنا من المنوفية لذلك كان يصعب أن نتقابل إلا في مكان محايد وبالفعل انتهزت فرصة وجود كلانا في القاهرة لنلتقي ولتشهد محطة مترو جامعة القاهرة لهذا اللقاء وكان في تمام السابعة والثلث مساء .
كان أحمد أطول مني قليلا كالعادة فأنا قصير القامة بشكل لافت للنظر وكنت ممتلئ الجسد بالنسبة إليه .
انطلقنا منها إلى محطة السادات ( التحرير ) ونزلنا إليها .


سرنا لمدة نصف ساعة حتى وصلنا لكورنيش النيل حيث ملتقى العشاق ، جلسنا في مواجهة النيل وأمام مقر الحزب الوطني .
بعدها فكرنا في الذهاب إلى برج القاهرة حتى نستمتع بحلاوة نيل القاهرة خاصة وأن الليل قد بدأ يدق طبوله .
وما أمتع رؤية ليل القاهرة !
توقفنا برهة عند كوبري الخديوي إسماعيل أو كوبري قصر النيل حيث التقط بعض الصور .


واستمر السير وأنا أعمل كمرشد ولكني لم أكن زرت المكان بل أدعي المعروفة حتى وصلنا
بالخطأ إلى استاد مختار التتش وكانت مباراة للأهلي مع كفر الشيخ وديا وقامت الجماهير بسب الحكومة مما أدى إلى تجمع عدد كبير من عساكر أمن الدولة .
أصبحنا نسير حيارى حتى وصلنا أخيرا لبرج القاهرة وهناك وجدنا تذكرة الدخول فقط تكلفة عشرون جنيها وبالطبع رفضنا الدخول .

استمر السير حتى جلسنا مرة أخرى على الكورنيش ولكن في الجهة التي يقع فيها البرج وليس الجهة التي تقع فيها وزارة الخارجية ومبنى الإذاعة والتلفزيون .
وبعد ما يزيد على ساعة من الحديث عدنا أدراجا إلى محطة المترو في تمام العاشرة والنصف وافترقنا كما تقابلنا عند محطة جامعة القاهرة .
كانت أمتع ثلاث ساعات قضيتها ..

تكلمنا فيها عن السياسة والإخوان وعن بلال فضل .. تكلمنا عن شباب 6أبريل وعن مستقبل مصر من بيده الحل
تكلمنا عن التدوين والأدب ومسيرة كلا منا ومعاناته مع الأدب والصحافة .
تحدثنا أيضا بشكل شخصي وفي أمور شخصية لكلينا.
تحدثنا عن أمور كثيرة جعلتني أشعر بقمة السعادة لمقابلتي شخصا متفتح العقل والفكر مثل أحمد نور الدين وكنت في قمة سعادتي لأن مصر حملت في ثناياها شبابا أحبوها دون سبب وعشقوا تراها دون طلب .
****
في آخر المطاف ظل أحمد يدعو علي لأنني جعلته يسير ما يزيد على الساعتين أي ثلثي الوقت الذي قضيناه وأظن أن رجليه أصبحت متورمة.
****
ملحوظة :هذه الصور من النت وليست من تصويري الصور عند أحمد لما أحصل عليها هنشرها 


هناك 12 تعليقًا:

أتنين حبيبين يقول...

صباح الجمال
والروقان على الناس السهرنين امام شاشة الكمبيوتر
أحدثكم انا توتا من موقعى هذا امام الكيبورد
وناخد اول تعليق ونرجع تانى

أتنين حبيبين يقول...

نقول
مبروك اللوك الجديد امور وهادى ولذيذ يا قصير
ههههههههههههههههه
يارب فاتحة خير عليك اخ مصعب

أتنين حبيبين يقول...

بص بقا بالنسبه للسؤال اللى سئلته ليا انا كام سنه وانى شكلى صغير لاء ياقمر انا كبيررررررررررررررررره اووى بس انا اللى عجوزه ومش باين عليا
انا 28 سنه والله ويمكن ماشيه فى 29 بس انا زيك قصيره ومش باين عليا اللى يشوفنى يدينى 15 سنه بس
ههههههههههههههههه

اى خدمه يا جميل
على الرغم من انى زعلانه منك انك مش ضايفنى عندك بس يلا يقطع من هنا ويوصل من هناك وهنيلك يا فاعل الخير والثواب

أتنين حبيبين يقول...

ممممممممممممممممم
ماشاء الله حوار جميل ومقابله رائعه مع شخص جميل انا بصراحه اول مره اسمع عن احمد نور الدين بس بصراحه سعدت اووى بكلامك عنه يا مصعب
تعرف ان الصداقه دى شىء جميل ويمكن كمان يكون احسن من الاخ
وصدق اللى قال الصديق وقت الضيق
ربنا يكرمكم كل الخير ويوفقكم يارب
رحله اكيد كانت جميله موفقه
ان شاء الله تتعاد تانى
بس من غير ورم فى الرجلين هههههههه ينفع كده تعبت الراجل من المشى يا عمو مصعب ههههههههههههههه

تحياتى ليكم جميعآ

كانت معكم من امام الكيبورد
توتا الشقيه الساعه الثانيه والنصف من فجر يوم جديد
مودتى

نهــــــــــار يقول...

السلام عليكم ..
أخي مصعب تدوينتك أعادت لي ذكريات
أولا أن تلتقي بصديق مدون
وأنا إلتقيت بصديقه من المدينه المنوره في زيارتي لها حدث ما حصل معك ومع صديقك الذي أسأل الله أن يجمعكم على طاعته أحسست أني أعرفها
وثانيا الأماكن إلي كنت فيها الحديقه القريبه من برج التحرير فكرتني أيضا بصديقه مصريه جميله وأوقات رائعه قضيناها هناك وأيضا كنا مشينا قد إلي إنتوا مشيتوه ...
جزيت خيرا أدخلت إلي قلبي السرور
...
أسأل الله بمنه وكرمه وواسع قدرته أن يجمعك ومن تحب في جنته
اللهم آمين
..
في حفظ الله

أتنين حبيبين يقول...

اخى القصير متلى مصعب
كاس وداير علينا كلنا
يا خوايا قادر ربنا يطولنا من عنده ما بين يوم وليله هههههههههههه
متشكره على اهتمامك وسعيده بتعرفى عليك
ومش تقلق مش هنعاير بعض الحال من بعضه ودوام الحال من المحال
وابوس ايديك استر عليا
نيهاهااااااااااااا
والحمد لله انا لاغيه الزجاج من حياتى كله استنلس يا باشا ههههههههههههههه
فوتك بعافيه
وروح نام وبطل لعب احسنلك

السُـلطانة يقول...

السلام عليكم ورحمة الله وبركاته ..

رجال مصر حملوا على أكتافهم النهضة في القرن الذي مضى ومازالوا يحملونها.

تحياتي لك ولهم وبارك الله فيكم

جوجو يقول...

السلام عليكم
ازيك يامصعب
جميل قوى انك تقابل حد لاول مرة وتحس وكأنك عارفه من زمان قوى
تحياتى

mrmr يقول...

لولا انت شخصيه جميله مكنش حد عبرك لو ماخذه يعنى
انت شخصيه جميله علشان كده بتجذب الناس حواليك للتعرف بشخصك الكريم
ومعرفه الناس كنووووووز
انا سعيده قوى انى متابعه حضرتك فى مقالاتك وافكارك
ربنا يسعدك

حفيدة البنا يقول...

السلام عليكم:
نعمه إنك تقابل شخصيات كويسه وانك كمان مكنتش قبلتهم قبل كده وتاخد عليهم بالسرعه دى
دى حاجه جميله اوى بتعمل ريفريش للواحد وتحسسه بالتغيير والتجديد..
لازم طبعاً تبقى ساعات جميله ورائعه
*أدام الله عليكما التواصل والحب ونفع بكما وإياى الاإسلام والمسلمين

مخبر قمل دولة يقول...

الله يحرقك يابعييييييييييييييييد
بقى انت تعمل بوست وماتقوليش
معلش والله يا مصعب انا مابقيتش متابع ولا مدونة لأن معنديش نت ف البيت بدخل من الموبايل بس والموبايل صعب جدددددااااا في المتابعة .. انا قعدت ف سيبر مخصوص عشان اشوف فصل الرواية ده وبعدين بقلب في اللي فاتني لقيت التسييح ده
والله ياااااااااض يا معففففففففن
انا كنت اسعد بجد ان انا قابلتك .. لأني باتمنى اللقاء دا من زمان أصلا .. بغض النظر عن اني بعده بقيت اتمنى ما اقابلكش تاني وباتمنى لو مكنتش قابلتك ولا عرفتك اصلا
بس انا قررت أسامحك عشان حبتين النفخ الهجص اللي انت كاتبهم عني دول
طلاج بالتلاتة لولا الصورة واللنكات كنت شكيت انك بتتكلم عن حد تاني أصلا
إن شاء الله نتقابل تاني قريب ياغالي
ولينا لقاءات كتير جاية إن شاء الله
يعني انت بقى عمال تزن على نافوخي ع الصور عشان كده :D
ماااااشي
بس ماقولتلهومش ليه على حكاية الـ...... ولا بلاش تسييح بقى رمضان كريم

مخبر قمل دولة يقول...

هو انا رغيت كتير اوي كده !!! :D:D:D