الجمعة، يوليو 10، 2009

وذبحني القلم





أتى الليل ، وبمجيئه بدأت حياتي التي أعشقها ..

جلست على جسر النيل أتأمل هذا المنظر الرائع .. أمواج النهر التي تتمايل ابتهاجا بانعكاس ضوء القمر عليها مما يعطي منظرا تعجز الأقلام عن رسم مثيلتها .

وبينما أنا اسرح في نسج الطبيعة سمعت صوتا ينبعث من جيب قميصي يقول :- " دعك من موجه التفكير تلك" ابتسمت والتفتت إلى صاحب الصوت وقلت له :- "وها يحيا البشر بدون تفكير أيها القلم الهمام " تعلق بجيب القميص وهو يتطلع إلى نفس المشهد الذي رأيته وقال :-" لا تنسى أن حديثي معك مجرد نسج من الخيال وليس له علاقة بالواقعية" أجبته في امتعاض :-"ربما لأني أعشق الحياة في بحر الخيال " .

استنشقت عبير الهواء وتجاهلت وجود القلم تمام ورحت أوسع دائرة تخيلي حتى ظننت أن النهر يود لو أنه استطاع أن يحكي معي ويروي لي أخباره .

ومرة أخرى أسقط القلم خنجرا مسموما في صدري ويحمل مئات الطعنات وهو يقول :- " هل تعلم ؟ أنا لا أفتخر بك !!" قالها ببساطة وهدوء وسقطت علي كالصاعقة وأنا أقول له :-" ماذا تقول ؟" كرر بنفس ألامبالاة :- " لا أفتخر بك " ازدرت لعابي و قلت له :- " لا تفتخر بي .. مع أن هناك من هم يفخـ...." قاطعني بابتسامة ساخرة وقال :- "ومن هؤلاء ؟ إنهم أناس لا يربطك بينهم إلا علاقة عبر الانترنت وحتى من يقل لك هذا من الوسط المحيط لا يعرف طيات نفسك ، أنت إنسان عاجز في صورة ملاك ، ظننت أنك ملك الكون لأن البشر امتدحوك ، مع أنك شبح مبدع ، أنت تظن نفسك على صواب مع أن الحق أنك من الأضلين أعمالا ، فقد ظننت نفسك تحسن صنعا وأنت مازالت مجرد صانع للشرر " كانت عباراته هذه طعنات تتوغل في أحشاء صدري ولكني عاندته وقلت له :- " ولكني موقن بأني كاتب متميز ولدي مستقبل باهر ينتظرني لولا المُحبِّطون أمثالك ، الحاقدون .... " عاد يقاطعني بضحكة عالية وهو يقول :- " أنا لا أحقد عليك أيها الزميل فأنا وأنت وجهان لعملة واحدة ، مع أنك لا يمكن أن تحيا بدوني وأنا أستطيع الحياة بدونك " صرخت في وجهه وقلت له :- " من المغرور إذن أيها القلم " أجابني :- إنه ليس غرور ، بل تقرير واقع ، ولسوف أكرر كلامي أنا لا أفتخر بك " انتزعني بريق الصدمة من عنادي فقلت له في يأس :- " وما العمل حتى أنول فخر سيادتكم " أجابني :- سلني على الحق أيها البطل ولا تهتم بمدح الآخرين وكون تدوينتك أجاب الرئيس أفضل تدوينة ، ولكن انظر إلى طريقك وسر على بركة الله وساعتها قد أرضى عنك " أسبلت جفنيّ وقد فقهت للحقيقة التي كشفها لي وتألمت وأنا أقول :- " أصبت أنا لست أهلا للفخر " ..

وسقطت صريعا بجوار القلم .

هناك 21 تعليقًا:

عاشقة الأحزان يقول...

الحق

اوووووول تعليق

عاشقة الأحزان يقول...

السلام عليكم ورحمة الله وبركاته

اذك ياقمر اخبارك ايه

بجد الله عليك وعلى اسلوبك المتميز

تشبيهاتك فى قمة الروعه والجمال
بارك الله فيك
مزيد من التوفيق والرقى

تحياتى
انوسه

♥..~*شـــوشـــو هـــانــم*~..♥ يقول...

هئ هئ هئ
نفسي ألحق أول تعليق

مش مشكله

اعتبر التاني بردو

اقرا واعلق

♥..~*شـــوشـــو هـــانــم*~..♥ يقول...

أولا مبروك عالنيولوك

ثانيا مش هعلق عالاسلوب ولا طريقة نسج الحوار ولا الحاجات دي كلها لانها غنية عن التعليق دائما في قمة الروعه

ثالثا بقى والأهم
ليه على طول شايف نفسك ياعمو واحد فاشل؟
ليه على طول شايف نفسك انسان مش كويس؟
ليه دايما مطلع قلمك هو اللي صح وانت اللي غلط.. ماهو يمكن يكون العكس؟

انا مش هقولك لا انت عكس كل ده وانت وانت... عشان متقولش دي كلها مجاملات وكل واحد أدرى بنفسه فعلا...
بس اللي ظاهر عندي من خلال شخصيتك وتعاملك مع الناس وكتاباتك ميدلش على اللي قلمك أو بمعنى أصح نفسك بتقولهولك
في أولاد كتير اعرفهم في سنك واكبر منك كمان بس عقولهم أتفه من التفاهه

كونك شايف نفسك مش كويس وانسان مش كامل ده يدل على انك فعلا ليك هدف
لكن مينفعش يبقى بالاسلوب المحطم ده لازم يكون عندك ثقه في نفسك ولو انت فيك حاجه انت شايف ان هي غلط ومش كويسه فيك واحنا سواء عالم النت او اللي حواليك منعرفهاش حاول تغيرها متكتفيش بس بانك على طول تقلل من شأنك

أنا كترت في الكلام بس مش عارفه يمكن اكون قدرت اوصل حاجه من اللي انا عايزه اقوله

-------------
وبعدين سيبك من قلمك الغلس اللي طول النهار قارفك فعيشتك نصيحه مني ارميه واشتري واحد غيره بدل ماهو على طول واجع قلبك كده

------------

وشكرا عالهديه بتاعتي.. (:


تحيتي...

♥..~*شـــوشـــو هـــانــم*~..♥

osama44 يقول...

مصعب
بوستك اكثر من رائع
دمت بخير وسعاده ولامع مع قلم مثل قلمك

المشخبطاتى يقول...

حبيبى/مصعب..

اولاً:مبروك على الشكل الجديد والجميل للمدونة..

-شيئ كويس إن الإنسان يبقى له وقفات مع نفسه لكن أهم شيئ ان لايصيب نفسه بالإحباط..ويتقدم ويجعل من حزنه-إن وجد- حزناً إيجابياً..

تدوينة جميلة..ولو القلم مضايقك غيره.

تقبل مرورى.

ريمان يقول...

انا برضه بحب ابحر فى بحر الخيال يا مصعب

بس قلمك مالوش حق يقول كده

بس قلمك باين عليه انه واقعى شويه اكتر منك


جميل اوى البوست يا مصعب

انا فعلا معجبه بكتاباتك

الشاعر الحزين يقول...

ايه يا أستاذنا الأسلوب الهايل ده ؟

بقى بزمتك لما القلم بتاعك يقرأ الأسلوب ده مش هيرجع فى كلامه ؟؟

امسكه من قفاه وخليه يقرأ كويس وهو يعرف انه غلطان وصدقنى هيرجع فى كلامه

بجد أسلوبك رائع

دمت بالخير

ايوشة يقول...

الكاتب المبدع دايما مصعب باشا ايه الكلام ده مين اللى يقدر يقول عليك غير كده محدش بيمدحك يامصعب لان الحقيقة انت تستاهل اكتر من اى كلام يتقال ماشاء الله عليك بجد هيكون ليك مستقبل باهر باذن الله وعلى رغم صغر سنك الا انك بتكتب باسلوب اكبر منك بسنين كتير فى حين اللى فى سنك مش بيفكروا فى اى شئ قيم ابدا بلاش الاوهام اللى فى دماغك دى واستمر فى ابداعك وتالقك كده عايزين نشوفك كاتب مشهور وانت ان شاء الله قدها وقدود كمان ربنا يوفقك دايما يارب
وبلاش تستسلم للافكار المحبطة دى لانها مش بتقدم الانسان دى بتاخره كتييييييير عن تحقيق احلامه واهدافه

جنــــــــــة الله يقول...

اخي العزيز
لو كل واحد فكر انه ما عملش حاجة او سوري في الطريقة يعني ( فاشل )
يبقى ما فيش حد حينجح
وبعدين القلم دة شكله بدأ يقطع او الحبر بتاعه يخلص
مافيش مشكلة اننا نحس اننا موصلناش لسة لهدفنا ونحاول ونحاول
لكن ما توصلش لدرجة اليأس
وبعدين والله والله والله
مدونتك راااائعة
والقلم دة زينا بالظبط
ممكن في يوم يغلط زى البشر واكتر
ومش على طول هو الصح
واعتقد ان القلم الوحيد
مش حيتغلب على اراء الملايين من زوار مدونتك
ويعني لو هى المدونة والتدوينات مش كويسة
احنا حنرد ؟؟
على فكرة
اللوك الجديد للمدونة راااائع
بجد حلو اووووى
والاسلوب بتاع البوست دة
رااااائع
تسلم ايديك

حفيدة البنا يقول...

أكيد من المهم إن الانسان يتكلم مع نفسه بصدق وبدون اى حاجز ده ديما بيخليه يتقدم للافضل وعمرة ما كان احباط لو الواحد استغله صح
اخى بارك الله فيك وفى قلمك الصريح
تقبل مرورى
والسلام عليكم

مخبر قمل دولة يقول...

الله يخرب بيت دا قلم يا راجل
ايه ياعم القلم ده
الحمد لله اللي من علينا بنعمة هدوء الاقلام
انا لو منك ياعم ارميه واشتري قلم تاني هادي شوية
الا قولي
انت ايه سر عشقك لجلد الذات ؟

osama44 يقول...

مصعب اتمنى لو قلمك شرفنى فى مدونتى

"النجم القادم"رابطة مدونون من أجل فلسطين يقول...

===========================
جديد مدونة اوعى تخاف
رسالة من م . أسامة محمد سليمان
أحد المعتقلين على ذمة القضية المعروفة بقضية فارس بركات
الذى القي به ناجى الجمال ضابط أمن الدولة بدمنهور من الدور الرابع

فقط وحصريا على مدونة اوعى تخاف

صفــــــاء يقول...

يا فلسفتك يا مصعب
بس برضه فى النهايه توصلت لقلب الفكرة الأساسى
وهو ان من يحمل أمانه حمل القلم
يجب ان يكون على قدر تلك المسؤله

shemo يقول...

السلام عليكم.....
ازيك يا مصعب ايه اخبارك يارب دايما بخير.........حلو اووووى النيو لوك بتاع المدونة عجبنى اووووى القالب ........بجد اقلمك دا ربنا يهديه لسانه طويل اوووووى ههههههه بس تعارف كلمه فى جادية علشان عدم الغرور وانك تزيد من شنطك علاشن تبقى احسن واحسن .........سلم على الاقلم كتيرررر .....مدوت بخير .....فى رعاية الله.
shemo

aidy يقول...

ازيك يا مصعب

طريقتك واسلوبك دايما بيعجبونى

بس الانسان اللى بيضع نفسه فى موضع حساب مثلك ويعاقب نفسه لازم يكون موضع للفخر

اختك نهاد

خالد فوده - Khaled fouda يقول...

بص يا سيد مصعب
مش كل ما تيجي مطب في الطريق هنقف قدامه بقي ونقول احنا فاشييلن ولا مغروورين

حاول انت تحس انك متواضع فقط
وربنا يسهلك طريقك
تدوينه رائعه بس المره الجايه بلاش نبره اليأس دي

المهاجر يقول...

لا تحكم على القلم إلا لو وجدت غيرك حكمواعليه أولا ففى هذه الحالة تستطيع تقيمه ولا تكن قاسى عليه وتجعله هو من يتهم وأنت الذى تحركه

دمت بخير

بحب كل الناس يقول...

الف مبروووووك على النيو لوك

والواحد مش عارف يقول ايه يعم مصعب حقيقى تسلم ايدك

واحد من العمال يقول...

السلام عليكم

كيف حالك يامصعب

ديالوج رائع ومفيد

ودمت مبدعاً