الثلاثاء، أبريل 28، 2009

خبر سعــــــــــــيد


حصلت ظروف جديدة جعلتني أقطع الإجازة واكتب بوست جديد للمدونة ، وقلت اكتب بالعامية المرة دي
أصل الموضوع مهم جدا
خبر سعيد جدا بالنسبة لي
أول ما سمعته قلبي رقص والكبد قعد يطبل له !!
خبر ما قدرتش امنع نفسي من ان اكتبه
عرفته ايه هو الخبر ده ؟؟
لو عرفت اتصل على 0900
احم احم نسيت اننا باكتب بوست مش مع المفتش كرومبو !
الخبر هو اني النهاردة بقيت خال
ايوه صحيح بقيت خال
أختي جابت بنت انما ايه زي القمر – مع اني مشفتهاش لسه – بس أكيد زي القمر مش أنا خالها تبقى أكيد قمر .
لا
دا لو طلعت شكلي تبقى وحشة اوي
أنا طبعا قلت لازم اكتب عنها وبعد كده أعلن الرحيل
أصل أنا كده بقيت خال
وزي ما بيقولوا الخال والد يعني أنا بقيت أب قبل ما اموت
أحمدك يارب  
------
ملحوظة : باذن الله دا يكون آخر بوست ليا لحد شهر من النهاردة
أنا امتحاناتي يوم 20/5 الجاي
نسألكم الدعاء

هناك 22 تعليقًا:

♥..~*شـــوشـــو هـــانــم*~..♥ يقول...

لولولولولولولولولولولولولولولولولولولي

الف مليون تسمعيه خمسمية وستين سبع الاف عشرين الف عشرتاشر تلتمية وكل الارقام مبروووووووك

ربنا يبارك فيها ويخليهالكو يارب
ومبروك عليك تولي منصب الخال وعقبال ماتبقى جد

وربنا يوفقك في المتحاناتك

دمت كما تحب..
تحيتي..

♥..~*شـــوشـــو هـــانــم*~..♥ يقول...

أول تعليق انا صح

يبقى مبروك عليا بقيت خاله ههههههههه

(Joudy) يقول...

مبروك عليك بقيت خال عقبال ما يجى اليوم اللى نبارك لك فيه على الجواز لا النجاح الأول وبعدين الوظيفة وبعدين انت عندك وقت ههههههههه مبروووووووك وألف مليوووووووووون مبروك على مامتها وباباها الأول وبعدين نقولك مبروك عليك اللقب عقبال البشوية... ايه ده استنا دى طلعت اتلغت خلاص كفاية عليك لقب خال

دمت بكل ود وسعادة ونجاح

جوجو يقول...

السلام عليكم

الف مبروووووووك

ربنا يوفقك فى امتحاناتك

فكرة من الزمن ده يقول...

خالو مصعب الف مبروك ليك وعقبال ما تكوب اب بصيحيح ان شاء الله والاحساس بانك بقيت مسؤلدي حاجة جميلة وربنا يخلي القطة الجديدة اللي خليتك ترجع من الاجازة تبشرنا وربنا معاك

Soul.o0o.Whisper يقول...

ألف ألف مبروووووووووك يا مصعب

و مبروك عليك أول مخلولة
على رأى خالو الصباغ

و تكتب لنا يوميات مخاليلك زيه
ههههههههههههه


و ذاكر كويس
عاوزين نسمع عنك كل خير ان شاء الله





دمت بود

اللؤلؤة يقول...

مبروك يا مصعب وأتمنى أن تكون جد مكحكح وماسك العصا وتجرى وراء حفيدك

اللؤلؤة يقول...

يا منوفى إسأل

ايمان روحي يقول...

مبروووووووووووووووووووووووووووك
جد والله فرحتلك
عارف حاسه بشعورك
لاني لم عرفت اني سرت خاله
كنت بجد هموت من الفرحه
شي حلو كتيييييييييير
انا بجد مبسوطالك
يارب تكون خال حنون
وبالتوفيق
وخلي بالك من مذاكرتك
ومتخليش النونو تاخد وقتك
منا عارفه
لم يكونوا عندي الاطفال بسيب مذاكرتي لو شو عليه
هههههههههههههه
متعملش زي
هههههههههه
بالتوفيق
تحيـــاتي

الشاعر الحزين يقول...

ألف ألف مبروووووووووووك يا مصعب

بس أنت بس خليك فى مزاكرتك عشان تحقق حلمك الكبير
وتبقى أكبر صحفى فى مصر


وألف مبورك مره تانيه

وربنا يوفقك فى الامتحانات



تحياتى

فشكووول يقول...

مبروك يا خال
وعقبال ما تبقى جد

عاشقة الأحزان يقول...

السلام عليكم
متشكره قووى لحضرتك للمرو عندى
وأنا جايا أرد الزياره
تحياتى لك
ومبروك عليك لقب الخال ويارب دايمآ الفرحه
والفرحه مش هتكتمل غير بنجاحك
يلا بقا عشان تجسيب مجموع كويس
ربنا معاك
وإن شاء الله خير
تحياتى

GiGi world يقول...

الف مبروكوزى دعاء المولود بورك فيه ورزقت بره
ماانت ابوه برده
يارب يباركل فى القمرايه دي
بجد انت طيب قوي
ربنا يعزك وعايزينك تذاكر بقه
ربنا يخليهالك يارب ويكرمك يارب ويحققلك كل ماتتمنى

نهــــــــــار يقول...

السلام عليكم.....
ماشاء الله ...
مبروك...
جعلها الله من مواليد السعاده ..
ورزكم برها ...
........
ألف مبروك يا خالو مصعب ...
وبالتوفيق بالدراسه الآن مسؤليتك أكبر لابد أن تكون نعم القدوه للقمر الصغيره....
تحياتي لعائلتك الكريمه
......
في أمان الله

Anonymous يقول...

السلام عليكم ورحمة الله وبركاته

ساحة التدوين ليست هي الرابطة ولكن رابطة هويتي إسلامية هي المسؤولة عنها

يمكنك الإنضمام إلي رابطة هويتي إسلامية

ولكن لنا ملاحظة

ما علاقة مدونة كاريكا طظ بمدونتك فأنت تدعوا إلي الإسلام كمنهج وكاريكا طظ مختلفة كل الإختلاف مع هذا المنهج

أبو فاطمة

http://hawetyhawety.blogspot.com/

Anonymous يقول...

الف الف مبروووووووك
بقيت خال
وعقبال ماتبقى جد

ريمان يقول...

بقيت خاالو خلاص؟

يا خبر

والله احلى واطيب خال ان شاء الله


وعلى فكره مكنتش اعرف ان دمك خفيف


ههههههههههههه


مبروك الف الف مبروك

ويا رب كده نفرح بيك وباولادك ان شاء الله

ويا رب تنجح باذن الله


بس بقولك ايه
مش تتاخرى علينا
يعنى مفيهاش حاجه اايم الامتحانات كده لو دخلت عشر دقايق نت تطمنا عليك

محمد توك يقول...

الف الف مبررررررررررررووووووووووووووووك

محمد توك يقول...

نسيت .... صحيح


فييييييييين الحلوان
:D:D

ايوشة يقول...

وصحيح الف الف مبروووووووك على انك بقيت خالك بورك فى المولود ربنا يحفظها يارب

ايوشة يقول...

السلام عليكم ورحمة الله وبركاته
ازيك يامصعب اسعدنى تعليقك فى المدونة ولما جيت اشوف المدونة عندك ماشاء الله عجبنى اسلوبك وطلاقتك وبعدين استغربت اوى انك لسه 15 سنة ماشاء الله ربنا يحفظك بجد يسعدنى جداااااا صداقتك والف شكرا لاستاذ احمد انى عرفانى على ليك ان شاء الله هكون ضيفة دايما على المدونة بس يارب مش تزهق منى :)
ربنا معاك ويوفقك يارب فى الامتحانات

ايمان روحي يقول...

السلام عليكم ورحمة الله وبركاته
اخبار مذاكرتك ايه
انشاء الله تكون كويسه
عايزين مجموع
جــــــامد
ربنا يوفقك
ابقي طكمنا عليك
تحيــاتي