الأحد، أبريل 12، 2009

معني الحب


انه معنى جديد للحب ، لم أتحدث عنه قبل ذلك  ، حب امتدت جذوره في قلبي وترعرعت حتى وجدت قلمي يخط ليدون تلك المشاعر .
فهل يمكن أن نحيا بدون حب ؟! ، هل يمكن أن يكون الحبُّ بجوارك وتتركه .
إنني أتحدث عن شخص لا تكفيه سطور كهذا لتدون مقدار حبي له ، انه شخص يفهمني قبل حتى أن انطق بعبارة ما .
شخص يحمسني دائما لأن أكون الأفضل ، بل إن فضله قد تجاوز هذا ، فهو معي في كل خطوة ، يتحسس ألآمي ، يصحح خطواتي ، يفعل كل ما يستطيع ليسعدني .
هل يمكن أن تجد إنسانا مثل هذا يحبك أكثر مما يحب نفسه !
يسعد بكل خطوة تقدم في حياتك .
كثير منا عرف معنى الحب ، ولكن القليل هو من شعر به .
أما أنا – لحسن حظي – أحظى بهذا القلب الذي هو أكبر من كل القلوب و أحن من الأم بولدها
انه أخي محمد
الذي عشقه فؤادي حتى لم أجد مكانا لشخص آخر لأحبه .
أحبه أكثر من أي شخص ومن أي شيء في الدنيا
فهو يمسح عبراتي قبل حتى سقوطها على وجنتيّ
ومن هذا المكان أود أن أقول له بكل ثقة ومودة
" أحبك "
يا من أشرق حبك في قلبي .
" أخي محمد "
" أحبك في الله "

هناك 14 تعليقًا:

aidy يقول...

جميل انك تعبر عن حبك للناس اللى بيحبوك

ونعم الاخ فعلا اللى يعمل كده وانت كمان اكيد بتحبه بنفس الدرجة وبتتمناله الخير بنفس المقدار فمتستغربش

لأن دى هى الرابطة المقدسة بين العيلة والهدف من الاسرة هو الاحتواء عشان تعلى مكانه افرادها

تحياتى ليك وربنا يديم عليكوا الحب والمودة

نهاد

Soul.o0o.Whisper يقول...

لا يا مصعب

صعب نعيش من غير حب
و لا أقصد حب العاطفة
و لكن حب الفطرة

الحب الجميل الذى يجمعنا كلنا

حب الاب
و حب الام
و حب الاخ
و حب الصديق
و غيره و غيره

دا انت عارف حتى الغلط

بنعمله عشان نفسنا بتميل له
و مش بنقدر نقاومها

اجعل قلبك على طول ينبض بالحب لكل الناس
و طبعا أهم شئ انه يكون حب صافى و جميل فى الله


ربنا يكرمك باخوك يارب
و مش يفرق بينكم ابدا

و يحعلكم خير عون على طاعته



دمت بود

♥..~*شـــوشـــو هـــانــم*~..♥ يقول...

ربنا يخليهولك يارب وميحرمكوش من بعض ابدا
جميل انك تلاقي شخص يسمعلك وانت مدايق يفرحلك وانت مبسوط
يكون بجد بيحبك زي مابيحب نفسه

كلمات رائعة بمشاعر اروع..

دمت بخير
تحيتي..

طـــائر الليــــل الحـــــزين يقول...

مصعب
انت شخص جميل
والطريقة اللى عبرت بيها عن اللى جواك تثبت كده فعلا
كلامك بجد اكتر من رائع واسلوبك كمان تحفة
بجد يسلم قلمك
تحياااااااااااتى
دومت بكل الحب

GiGi world يقول...

ربنا يخليك له ويديم عيكم الحب فى الله
ربنا يخليكم لبعض ياااااااااااااااااااااااااااااااااااارب
انت رااااااااااااااااائع وطيب قوييييييييييييييييييييييي ربنا يخلىلك قلبك الطيب فى زمانا ده

حفيدة البنا يقول...

ماشـــــــــــــاء الله
آدام الله عليكم حبكم لأخيكم وجعلكما خير أعوان للخير
ْ~ولكن أقصد بحبك هذا وجه الله وقل (أحبك فى الله) لا(أحبك) فقط لتجعله فى ميزان حسناتك
ونعم الأخ هو جزاه الله على ذلك كل خير
وسلامى

حـــــ الــجــنــة ـــــور يقول...

السلام عليكم

بجد احسااس جميل جمعكم الله في الجنة كما جمعكم في الدنياا

كلمات ولا اروع بصراااحة انا غرت ههههههه

سلمت اناملك اخي الجميل مصعب ربنا يحبب فيك خلقو كمان وكمان

ربنا يديم الاخوة والمحبة

محاولة لكسر الصمت يقول...

قليلون هم من يصارحون بالحب في هذا الزمن, لا أدري إن كان الأمر خجلا أم ماذا, لكن ما أعلمه جيدا أنه ليس هناك أجمل من أن تسمع من عزيز لديك كلمة (أحبك)..
بارك الله لك في أخيك..وأدام محبتكما فيه..
تحياتي....

ايمان روحي يقول...

ماشاء الله تبارك الله
ربي يخليكوا لبعض ومايحرمكوا من بعض ابدا
لهاي الدرجه بتحبوا
لدرجة حنانوا اكتر من حنان الام
يـــأه
شكلوا بجد انسان يستحق المحبه
الله يحفظكوا لبعض
ادام الله محبتكوا
دمت ودام قلمك المبدع بكل خير
تحيــــــــاتي

(Joudy) يقول...

حلو البوست جدا يامصعب ربنا يديم المحبة بينكم وما يحرمكوش من بعض أبدا
الكلام بجد جميل ويدخل القلب

تقبل مرورى

(Joudy) يقول...

مصعب ليك تاج عندى فى مدونة كلمات من ذهب ياريت تجاوبه

الشاعر الحزين يقول...

أيوه يا عم

ما أنت محلل نفسى

بقولك ايه ؟؟؟

كلمه فى سرك كده ؟؟

ولا أقولك بلاش ترجع تزعل ولا حاجه

هههههههههههه

صباح الفل يا أستاذنا الصحفى

محمد حمدى ميدو يقول...

بسم الله احسنت اخ مصعب نعم نعم الاخوة والله اخوك يستاهل اكتر من كدة انا عانلته وحسيت بكدة

مصعب صلاح يقول...

♥♥♥♥♥♥♥♥♥♥♥♥
نهاد
--
الأخوة نعمة من عند ربنا ويا رب يدوم لكل المتحابين ف الله محبتهم

♥♥♥♥♥♥♥♥♥♥♥♥
Soul.o0o.Whisper
فعلا إحنا مستحيل نعيش من غير حب بس حبي لمحمد أكبر من انه يوصف

♥♥♥♥♥♥♥♥♥♥♥♥
الشيماء صلاح*shosho*
شكرا ع التعليق فعلا والله أروع إحساس انك تلاقي خد فاهمك ويحبك

♥♥♥♥♥♥♥♥♥♥♥♥
. طـــائر الليــــل الحـــــزين
حضرتك حسيت اني شخص جميل لأن حضرتك شخصية جميلة

♥♥♥♥♥♥♥♥♥♥♥♥
GiGi
شكرا لحضرتك ع التعليق وربنا يديم المحبة
♥♥♥♥♥♥♥♥♥♥♥♥
حفيدة البنا
شكرا ع الزيارة وعلى فكرة أنا قلت ف الأخر أحبك ف الله منتظرين ابداعاتك
♥♥♥♥♥♥♥♥♥♥♥♥
حـــــ الــجــنــة ـــــور
شكرا ع الزيارة ولو ليك أخ أكيد بيحبك أكتر من كده
♥♥♥♥♥♥♥♥♥♥♥♥
محاولة لكسر الصمت
شكرا لتعليقك وأدام الله المحبة
♥♥♥♥♥♥♥♥♥♥♥♥
ايمان روحي
تحية خاصة لكل فلسطيني وبالاخص حضرتك
منورني دايما
♥♥♥♥♥♥♥♥♥♥♥♥
(Joudy)
خلاص جاوبت ع التاج
♥♥♥♥♥♥♥♥♥♥♥♥
الشاعر الحزين
قول ولا يهمك أنا مش باتضايق
♥♥♥♥♥♥♥♥♥♥♥♥
محمد حمدى ميدو
شكرا يا محمد ودا فعلا حقيقي
♥♥♥♥♥♥♥♥♥♥♥♥
شكرا للي زاروني ويارب دائما